陸羽仁 金融High Tea —— 國貨要升呢 2011-04-06

[size=4]國貨要升呢         

昨日是香港假期，不過晚上傳出內地加息四分一厘消息。外圍就個別發展，日經平均指數全日收報9615點，跌103點，跌幅1.06%，南韓、澳洲，新加坡就造好。豐田汽車宣佈，由於日本汽車零部件生產企業受地震影響，整個產業鏈受損，將臨時停止北美14家工廠的生產，日本生產不少工業零部件，震災影響相關產業開始浮現，工業股投資者要留意變化。

個股消息方面，五礦資源(1208)收購海外資產的建議本來已塵埃落定，但日前又傳賣方有意見，可能影響收購進度。中環老友話，五礦呢單收購本來係好料，成事可以增強集團資產，不過好事總係多磨，尤其國企要走出去，想買好嘢梗係唔係咁順利，若然收購順利解決，五礦又可以睇好些少。

4月開季，內地股市和香港國企股都表現不弱。投資者面對4月中阿爺可能又再出招的前景，但係睇住國企公佈咗不俗業績，個心有啲十五十六，不過外資逐漸睇好國企的態度，愈來愈明確。

高盛建議增持國企

內地權威研究機構預示中央的調控措施在上半年見頂，下半年開始鬆手。國務院發展研究中心金融研究所證券研究室主任範建軍話，3月通脹率按年漲幅可能超過 5.2%，並且有機會於6月份達到5.3%至5.5%高位。中央相應可能在4月份將銀行存款準備金率再上調0.5個百分點，並在上半年加息兩次，包括4月加息0.25厘，6月再加息一次，結果今個月加息在昨日證實，咁亦證明加息在預期之內。

範建軍估計，7月之後，央行票據和正回購協議到期量預計將減少，放出市場的資金較少，將降低央行從市場回籠現金的壓力。中國可能在月度通脹率見頂後，在7月份開始降低銀行存款準備金率。

市場通常走前政策兩三個月，若通脹數據對辦，外資會提前兩三個月開始吸納國貨股，可以留意若今個月加息及加存款準備金率時，市場如何反應，若出現壞消息但股票跌得唔多，就可能有老外密密掃貨。

外資亦開始睇好。高盛出報告睇好國企，對中國股票的評級由「與大市同步」調升到「優於大市」，12個月國企指數目標16500點。由於最近內地通脹和宏觀數據顯示，中國的收緊政策都去到差不多，按過去經驗，政策周期和股價表現有緊密關係，所以睇好國企股的表現。

德銀睇好能 源內銀內房

德銀就從業績角度睇好國企，佢哋總結國企股公佈的2010年業績，話76%(包含85%市值)的國企2010年的純利達到或超出他們的預期，MSCI中國指數成份公司的盈利動力相當正面，去年底時預計2010年每股盈利增長是20%，結果卻有26%。

德銀估計證券界會調升國企2011年盈利預測，現時大家預計國企今年盈利增長約16%，未來幾個星期，證券行計完數後，會提升國企的盈利預測。而德銀自己就將國企2011年的盈利增長，由16%調升到20%。當中銀行和能源股是拉高盈利預測最主要的股份。未來最有可能有驚喜的仍然是能源、內銀、保險和內房股。最可能落後大市的是消費股及公用股，主要受成本上升影響。另外佢哋都開始對風電和太陽能股有信心，因為對核電安全的關注對這些行業有利。[/size]