2011-3-30 08:36
bunnylai
投資的天空：避險意識濃 可吼藥業股
[size=5]大市經一輪反彈後，近兩天在期指結算前夕終稍為唞唞，在 23000關拉鋸，筆者前日在期指跌穿 23068時，已按計劃將手上衍生工具好倉套利四分一，若然之後跌穿前日低位 22918（ 4月期指），會再套利至原先好倉注碼的一半。
不過，現時基金現金水平偏高，若大市不回調而收高於 23300，先前觀望的基金經理隨時出手追貨，因此要有兩手準備，到時補回先前沽出的一注。
近期幾件世界大事都未有出現特別的情況，令市場缺乏焦點，投資者遂將眼光放回公司業績上，近期放榜的公司似乎特別波動，無論升跌好多時都見到雙位數的波幅。投資者或感疑惑，有啲股份業績都唔係太差，但一沽就個個爭住沽，弄致血流成河；相反，有啲只係比市場預期好少少，但一升就像坐火箭。
筆者相信這與基金粉飾櫥窗有關，明天過後，第一季便會完結，基金經理又是時候向投資者交代基金情況，例如組合內的持貨。適逢業績期，大家試想如果自己係基金經理，會讓投資者看見一堆業績麻麻還是業績亮麗的股票呢？而且，股市第一季只係普普通通，令更多基金要粉飾櫥窗，以致大家經常看到一哄而上，一沽即散的現象。
現時追入仍有水位
個股方面，這兩天有轉差迹象，好像昨天恒指波幅不大，但下跌股數卻比上升的多近 200隻，投資者似乎有點避險傾向，見有利潤便先行食糊，或轉投一些防守性較高的股票如藥業股，不過，現階段筆者認為藥業股不只退可守，更是進可攻的選擇。
近日不少藥業股在公佈業績後股價均有理想表現，反映市場先前均高估降價對藥企的影響，如細心留意，其實當 3月頭中央再出降價令時，不少藥股如中生製藥（ 1177）、聯邦制藥（ 3933）等都拒絕下跌，像先前所講的內房一樣，由於政策關係，大家都唔信佢會升，藥業股的升勢仍在早段，現時追入應尚有水位，大家可多加留意。
張士佳
寶來證券（香港）董事 投資服務部[/size]